"И ќе настане време тешко, какво што немало откако постојат луѓето, па се до денес..." (Данило 12:1).

    Сите подрачја на нашата планета бргу ги освојуваат кобните претчувства на современите научници што живеат во сенката на неизвесна судбина. Луѓето од сите општествени слоеви, и богатите и сиромашните, старите и младите, богатите и сиромашните, мажите и жените, почнуваат да се приговуваат "за тој решителен час" како што често се истакнува денеска.
    Мислата за преживување станала и вносна работа. Како печурки никнуваат различни индустриски производи приготвени за "тој час". Како да се преживее-претставува денеска мисла водилка за милиони луѓе во светот.
    Имајќи ги предвид сите опасности што му се закануваат на светот, луѓето што внимателно ги следат животните прилики поставуваат прашање: Дали светот навистина ќе може да преживее со секојдневното зголемување на злосторствата, со економската депресија, со загаденоста и со исцрпувањето на животната средина, со трагичните погубни војни, со природните катастрофи и со опасностите од избивање на нуклеарен судир?

    Можеме ли мирно да седиме и да го очекуваме тоа што ќе дојде? Се зголемува бројот на оние што не мислат така. Тие сметаат дека ако сакаме да ги преживееме сите кризи што ни одат во пресрет, уште сега мораме да се приготвиме. Бидејќи утре можеби ќе биде доцна!

    Но, ќе кажете,  нели бројот на таквите луѓе е многу помалечок и дека тие всушност се само лажни пророци на нестварни катастрофи?
    Можеби бројот на таквите е мал, но сепак нивните изјави предизвикуваат внимание. Роберт Браун, уредник на списанието "Да се преживее", пишувал вака: "Да се преживее значи да се издржи, да се преживее, да се спасиш себеси, да се обновиш - што би можел друго да посака човекот отколку да биде оптимист, кој се гледа во овие зборови, да се преживее."
    Браун го завршува своето размислување со следните зборови: "Потоа следи она кон што се стреми оној што сака да преживее, кој самиот себеси си е се. Да научиш да се подготвиш за најлошото, но и понатаму да работиш за она што е најдобро."

    Можеби се прашувате кои се тие земни несреќи што треба да се совладат за да се преживее? Дали се на повидок тешки времиња или е тоа плод на мечтата на една група фанатици со чудни погледи?

    Марко и Сузана живееле прилично добро на периферијата на Лос Анѓелес, далеку од грижи што би им ги задавал недостигот на пари или немањето на работа. Нивните викенди и вечери навистина биле пријатни.
    Спортската активност, летањето и посматрањето на автомобилски и коњски трки го исполнувале нивното слободно време. Сепак, нешто непријатно се случило и во ова семјество.
    Во нивниот дом влегле провалници и однеле многу вредни работи. Наспроти добрата заштита и превентива, тоа се случило три пати. Домовите на нивните соседи исто така биле покрадени. Сопствениците на еден дом во таа прилика се наоѓале во куќата, но биле претепани, а младите провалници однеле од куќата се што било вредно.
    Марко и Сузана, сакајќи да ги избегнат јавните полициски извештаи за покрадените, морале самите себеси да се бранат. Набавиле списанија и книги од кои можеле да учат како да се заштитат од провалниците, да преживеат во времето што ќе се одликува со голема опасност од крадците и злосторниците.
    Посетувале и разни семинари за овој мачен проблем, а покрај тоа набавиле и уреди за тревога, се со желба да се одбранат од крадиците. Исто така набавиле и огнено оружје, а на курсот за ракување со огнено оружје научиле бргу и успешно да го употребуваат. Често вежбале со ова оружје.

    Нели ова звучи фантастично? Нели е дури и драстично? Во светот во последно време се појавиле цели студии за тоа како можат луѓето да се заштитат од крадците и од злосторницие и како да ракуваат со огнено оружје.

    Неодамна претседателот на Мајами преку телевизијата ги советувал своите граѓани како да се одбранат со огнено оружје од напаѓачите бидејќи полицијата не можела да стигне на секаде.
    Можноста граѓаните да носат огнено оружје скриено под облека претставува мошне непријатен факт! Во огнот на страстите и злото можат да се случат неопишани трагедии..
    Но освен опасноста од крадците и злосторниците на светот му претат и други опасности, како на пример, депресија, економска несигурност. Парите ја менуваат својата вредност, каматите се повеќе растат, националните долгови се зголемуваат, инфлацијата стигнала до точката на усвитување.

    Ова е сосема мал извештај за она што ни доаѓа во пресрет, велат економските стручњаци.

    Новинските прилози и вестите од радиото и телевизијата нудат малку охрабрување. Ховард Раф во својата книга напишал: "Како да го забавиме доаѓањето на тешките години? Целта на оваа книга е да ве покрене и да ве осведочи дека Соединетите Држави ќе влезат во најтешко време на искушенија од бремето на граѓанската војна, во инфлациона спирала што ќе не доведе до депресија, што ќе се памети во текот на животот на многу генерации... Никој не занае кога ќе дојде тој преломен миг, но тој доаѓа, и тоа бргу... Америка е на работ, но и другиот свет."
    Тој потоа во својата книга дава список на непожелните настани што ќе дојдат: сеопшта невработеност; ерозија на сите заштеди; пропаст на пензискиот систем; пропаст на осигурувањето, меѓународен монетарен слом на сите парични единици и на крај хаос!
    Навистина овие предвидувања се застрашувачки! Можно ли е да се преживее? А што да кажеме за нуклеарната технологија, за напластените производи со радиоактивна содржина, за хавариите на нуклеарните централи или за трагедијата што би го погодила светот со избивањето на трета светска, нуклеарна војна! Многумина веќе сега се тресат од ваквата помисла!
    Некои се сетиле па изградиле посебни засолништа за преживување во случај на нуклеарна војна. Едно такво засолниште во Америка се продава од 47 до 95 илјади американски долари, што секако зависи од големината. Луѓето сакаат да бидат уште сега слободни од какви и да било опасности.
    Настојувањето да се изгради земјен ковчег потсетува на еден порано изграден ковчег или брод, што и тогаш бил изграден со цел луѓето да ја преживеат сеопштата пропаст. Историјата за тој ковчег на спасение ја наоѓаме во Библијата, во 1 Мојсеева 6 глава.

    Што кажува Библијата за луѓето на тоа време? Одговорот е мошне краток - биле слични на денешните луѓе. Еве што вели Библијата:

1. Мојсеева 6:5,11,12